Гарк булиб боради адашган кема
Сардорлик талашиб ахли килич-кин,
Тахликали махал лавозим нима,
Борми бир билгувчи юлдузлар сирин.

Мен огрик сезмадим овозларида,
Кулларида йукдир шулгут харита.
Огу асраюрлар ракибларига,
Йулчи юлдузларга бокмасалар сира.

Кузимдан мехрингни сидириб ташлаб
Дунёга юзлансам бошка куз билан.
Эрмак булган жонинг куксимда какшаб,
Багримда ут булиб ёнади Ватан.

Кафтимда гижимлаб юрак чаногин
Малхам излаюрман асрий дардингга.
Бошингда кутармай ёвлар ярогин
Юлдузлар йул очсин Ватан, багрингга.

Бекорга кетмадим уйимдан кочиб
Тошлок кучаларнинг тошлари ёмон.
Харсиллаб югурдим сочимни сочиб,
Куз ёшсиз, кучаси тошсизлар томон.

Сиёсат тош эккан айланма йуллар,
Манзилсиз сукмокда окар оломон.
Бир-бирин пойидан чалади зурлар,
Ночорлар бир-бирин килар тошбурон.

Ойнинг ёгдулари таралмайди тенг,
Чакмоклар куйдирар, шамоллар юлар.
Ёка тополмайсан топганингда енг,
Захарханда бокар холингга "УЛАР".

Тошлар хосил берар, оларлар уриб
Бир-бирингга отсанг, эккан хуромон.
Бир ховуч бит ётар конингни суриб
"УЛАР" тош уйларда саклаюрлар жон.

Бекорга кетмадим уйимдан кочиб...
Соков, сукир, гаранг булганда кура
Наф тегар яшасам кузимни очиб,
Шерлар тортганида сен томон наъра!

Пишикчилик этганда интик,
Тортилганда сунги коп бугдой,
Ёнганида сунгги бог утин
Кораярди юзингдаги ой.
Чет-четларда гамнок уриниб,
Дардинг этмок булардинг пана,
Кетганини кузларинг тиниб,
Сезмайди деб уйлардинг Она...

Дардчил эдим, ранг-руйим саргил
Тонг отарди кокмасдинг киприк,
Умрим эди умидсиз сабр,
Сен мен билан дахр аро куприк.
Йулда эдинг кор-ёмгир демай
Касалхона, сен шур пешона,
Мен эмасдим, сен эдинг сагир,
Билмайди деб уйлардинг Она.

Ёстик кучиб йиглардинг хар тун,
Ётар эдим унсиз эшитиб,
Киркка кирмай бева этган дун
Ингранарди болишинг ситиб...
Тонгни кутар эдим интизор,
Ёриштирса дердим кунглингни,
Кимирлашга топмасдим мадор,
Кучмок истасамда буйнингни.
Адоги йук у вафо, у дард,
умринг буйи булди хамхона,
Сенда эди энг пок мухаббат,
Билмайди деб уйлардинг Она!

Суйлар эдинг менга ривоят,
Эртакларинг тугар эди шод.
Истар эдинг куч топсам гоят,
Дардим енгсам ва топсам мурод.
Менман уша куйлаги бахор,
Хаёт тула кора сехргар,
Эртаксиз хам бу дунё бозор,
Одамлар бор аждардан баттар...
Эртакдаги уша хур аёл,
Гулдай нозик, тогдай мардона,
Узинг эдинг... кундай безавол,
Билмайди деб уйлардинг Она!

Нелар курди у шур пешона,
Мен баърини биламан Она!

Онажон дунёни нима киламан,
Бир танам сиккудай аталган тупрок,
Мен бир такдир бозор, куксим тиламан,
Кун сайин купаяр сочингдаги ок.

Дунёда биттадир она сайёра,
Кайда тонгим отса бир булак ватан,
Аммо дийдорингга зор кунлар... она,
Бир кун куксимга дог булса нетаман?

Шамдай интик ёнар маъюс кузларинг,
Беш махал жойнамос устида отим...
Энг покиза иймон сенинг ёшларинг,
Пойим кучмасмидим булса канотим?

Мусофирлик чекка тушган бир инъом,
Кай бир гунохимга берилган жазо.
Аммо такрорлайсан нечундир хар шом,
"Жон кизим мен сендан минг бора ризо!"?

Бахтлиман волидам хаёт, дуодор,
Хижрон укубатда гулдай кунглим кам,
Топмадим онамдай зукко, беозор
Армонсиз кетардим сендай булолсам...

Етим колса кутаради ер,
Омон саклар яримта нони.
Шамол упар елкасин ягир,
Эссиз утиб кетганнинг жони...

Уввос солиб дилни ситарлар,
Гамнок булиб улан айтарлар,
Совук ерга куйиб кайтарлар,
Эссиз утиб кетганнинг жони...

Беваси вох бахтим деб йиглар,
Боласи тож - тахтим деб йиглар,
Баъри узим, багрим деб йиглар,
Эссиз утиб кетганнинг жони...

Бахор келса ювилади гам,
Куриб кетар кузлардаги нам,
Унут булар кайгу-ю алам,
Эссиз утиб кетганнинг жони...

Киркни, йилни улар билмайди,
Хашамларга кайтиб келмайди,
Ярим кетган кунгли тулмайди,
Эссиз утиб кетганнинг жони...

Согинчларни тан олганим бор,
Армонларим касод бир бозор,
Хатоларим берса хам озор,
Эссиз утиб кетганнинг жони...

Ёгаётган кордан совукрок,
Ёгаётир куксимга дунё.
Сенинг чехранг ундан ойдинрок,
Кор заррадай сузасан гуё.

Сени баланд тогларда курдим,
Тиззамга бош куйдинг кийикдай.
Кеча окшом сендан хол сурдим,
Кунгиллашдик худди тирикдай.

Сочларимга ёгар оппок кор,
Тукилмайди силкисам улар.
дил фигоним, дийдорингга зор
Пешонамни коплар ажинлар.

Кизинг илк бор босибди кадам,
Суйган ёринг йиглаб туймайди.
Кун курмайди кукси соф одам,
Такдир яшагани куймади...

Менинг учун тириксан доим,
Кушигимсан дилни этган сел,
Тонг-сахарлар тушда гулойим,
Деразамдан нурдай сингиб кел...

Умид билан сенга хат ёздим,
тукиб солдим калбим дардини.
Куз ёшдан хул булди когозим,
сузлар чизди огрик рангини.

Соат мили - куксимда юрак
Ойлар утди кутиб жавобин.
Тегирмондай эзди шум фалак
Калб каргади багритош зотин.

Куксим какшаб яна хат ёздим,
Дунё, дедим, сенсиз коронги,
Мехринг кумсаб аклдан оздим,
Дустдан кечмок шунча осонми?

Кунлар утди, фасллар утди,
Гул кукарди, корнинг юкидан,
Алам тиги бугзимга етди,
Утдай ёндим армон чугидан.

Кахр билан ёниб хат ёздим,
жанозамга келма, йуклама.
Бир кун учар дардли овозим,
Сенинг учун учди у... мана.

Тарк этганда аламлар кахри,
Кайтиб келди хатларим бари,
Иловада, "Изланган инсон
ун ой олдин дунёдан утган"

Тил борлигин унитди танам,
Илондайин ёзган хатларим,
захар сочди... титради танам...
Кимлигингни нега билмадим?

Нега бир зум уйлаб курмадим,
Садокатдан килганда нолиш?
Нега узим холинг сурмадим,
Ажал келиб куйгунча болиш?

Гаввос солиб, дардимни достон
Килганимда тушакдамидинг?
Огрикларинг сезмабди бир жон,
Сен хаётдан нолинмай кетдинг.

Жанозанг хам килмабти такдир,
Умрим утар тилимни тишлаб,
Фаришталар учибди охир,
Менга чузган кулингдан ушлаб.

Сизга етмас кушикларим тунни ёради,
Мен хали хам ойга бокиб хаёл сураман.
Кузингизга кучмасин деб кузларим дарди,
Сизнинг зийрак нигохлардан олис юраман...

Сезгандайсиз, сузим маъюс, овозим титрок,
Шайтондайин хамла килар иймон билмаган.
Элим онам, калб кузига тикилсам - мудрок,
Бу дунёда дард колмади багрим билмаган...

Келинлари зурланган халк, кони оккан халк,
Аёллари тилин тишлаб тухмат таккан халк,
Мардикор халк, Оллохгамас одамга кул халк,
Узи емай киргиз, козок, русни боккан халк...

Багримда сиз сезган огрик, эл солган огрик,
Гижимлайди жавоби йук жаллод саволлар.
Шу сабабли паришонман, тилларим боглик,
Йук, мен каби маъюс эмас хамма аёллар...

Ёзай дейман... ёзсам кайгу килар галаён,
Угай булур исён булиб тугулмаган шеър.
Ёзай дейман... алам ути куймагай омон,
Куйга чукиб жон берсаму, байт булса кабр.

Сиз билмаган бир шарпа бор менинг рухимда,
Тумарисдай забардас бир аёл шарпаси,
Ул занжирбанд этилгандир ёнган куксимга,
Укирмокда хурланилган аёлот саси...

Сезмайсизми, куймокдаман шашт билан кадам,
Писанд этмас тош тигидан конаган товон,
Мен киламан не килолса калби ут одам,
Менда йукдир жимжитгина яшайдиган жон.

Айб этмангиз огам десам, курмасам келиб,
Мен олисдан мехрингизни сезиб тураман.
Кузингизга кучмасин деб кузларим дарди,
Сизнинг зийрак нигохлардан олис юраман.

(Узтоз шоир Ёдгор Обид сувратидан илхом олиб)

Сершовкин йуллардан умрим изладим,
Изини топмадим бир заррасида.
Дарёлар кошида туриб бузладим,
Умрим дарё булди бир йуласига.

Окиб бораётган шошкин, бепарво,
Сувларнинг шилдири сокин туйгулар,
Киргоклар висолга етмаган вафо,
Тулкинлар, ул газзот килган кайгулар...

Киргогида туриб бокдим умримга,
Окимни тарс ёрган тошларни курдим.
Шамоллар уввиллаб курган кунимга,
Дарё булиб оккан ёшларни курдим.

Окарган сочларим сиртига кириб,
тараган саболар эслатди ёрим,
Теграмда яшиллик куксимни тилиб,
Ёдга солди маним дилбар диёрим...

Багримни кенг очиб борликка бокдим,
Оккушлар умримни безаган малак.
Мен шукрона билан бо-маъно окдим,
Шоир булиб ёнди оташин юрак.

Унга талпинардим болалик чогим,
Кайнок пешинларим утди киргокда,
Беш-унов тупланиб, сакраб бетиним,
Лой чаплаб сунг сувга отилган ёкда.

Муйлов сабза урган успирин йиллар,
Дилдор туйгуларга пайт келган сано,
Киргогида курдим ишкдан касрлар,
Унга дардим айтиб, топдим мумиё...

Ватанга сигмасам у булди ватан,
Сокин мажнунтоллар тилади бардош,
Аламдан ут булиб ёнганда бу тан,
У булди ховримни олгувчи жондош...

Мен иймон маъносин англадим тугал,
Тонгим не келтирса саховат билдим.
Бирор гам колмади этгувчи усал,
Бахтим, мен бугунга шох булиб келдим.

Яна сохилида турубман бу кун,
Пайгамбар ёшидан ошганда бошим,
Ул хам менинг каби муйсафид, сокин,
Бир бировга бокиб жилмаямиз жим...

(Дугонам Гулини кумсаб)

Гулим ернинг нафаси хушбуй,
Дардим - менсиз утар аза-туй,
Кел челагинг сув буйига куй,
Тол тагида хасратлашайлик.

Ёдингдами толбаргак такиб
Чопар эдик ёниб, тутакиб,
Сувдай кетди орзулар окиб,
Тол тагида хасратлашайлик.

Сийладими бу сагир такдир,
Хар гал келсам дунё бошкадир,
Мен каритдим онамни ахир,
Тол тагида хастарлашайлик.

Чугурлатиб болалик ёдин,
Эслаб унутилганлар отин,
Айтиб дилнинг пинхона додин,
Тол тагида хасратлашайлик.

Дунё мозор, мен тирик кабр,
Дуст-сирдошсиз куксимга жабр,
Иложсизман, йулим бошкадир,
Тол тагида хасратлашайлик,

Гулим сенинг кузларинг кора,
Куз ёш мени не килди кара,
Бошим икки дунё оввора,
Тол тагида хасратлашайлик.

Ким истаюр куйган калб расмин,
Ким англаюр мумтоз шевасин,
Дув-дув тукиб алам мевасин,
Тол тагида хасратлашайлик.

Эгним курмас атлас-у, шойи,
Румол билмас бошим савдойи,
Тупрок исин булдим гадойи,
Тол тагида хасратлашайлик.

Ёпгим келар гудагимга нон,
Аёл булиб кутсайдим мехмон.
Кушним исмин билмайман хамон,
Тол тагида хасратлашайлик.

Кузга сурай кадок кулингни,
Байрок килай босган йулингни
Кандай олай уксик кунглингни,
Тол тагида хасратлашайлик.

Ташвишларинг бир лахза унут,
Юрагимга Гулим дармон тут,
Сув буйига келмадим бехуд,
Тол тагида хасратлашайлик.